لحريرة الفاسية

لحريرة الفاسية

المقادير :

– نص كيلو لحم غنمي أو عجل مقطع مربعات
– قبطة ديال القزبور و قبطة ديال المعدنوس مقطعين
– قبطة ديال لكرافس مقطع
– 2 بصلات كبار مشلضين
– 5 بصيلات صغار
– 5 مطيشات كبار و حمرين محكوكين
– 3 معالق كبار دمطيشة دلحك
– 1 كاس ديال لعدس
– 1 كاس ديال الحموص
– الملح ¸ لبزار, اسكنجبير, الملون,عود دلقرفة,شوية ديال الزعفران الحر,ضامة ديال البنة
– معلقة كبيرة دسمن
– 8 دلمعالق ديال طحين
– 2 لتر و نص دلما

طريقة التحضير :

فكوكوط ندير لحم و العطرية كلها+البصلة مشلضة + وربيع+ الحموص + لعدس+ اسمن , مطيشات محكوكين ,نحمر و نقلي كل شي ,ندير 2 لتر و نص دلما, نرمي لبصيلات صغار,نسد الكوكوط و نخلي لحم إطيب و الحموص و لعدس , منين يطيبوا, نعري الكوكوط ,ندير مطيشة دلحك,و نخلط مزيان, فزلافة كبيرة نخدم طحين مع الما مزيان وندور به لحريرة , يد نخوي بها و يد نحرك بها باش ما يلسقش طحين فقاع الكوكوط,نغط الكوكوط و نخليها تطيب ربع ساعة باش يطيب طحين,نزيد سمن و التوابل إلى بغينا خاصةالملح.خاص لحريرة تكون ما خفيفة ما تقيلا
المصدر: المطبخ العربي
الرابط : لحريرة الفاسية